ملک میں فی تولہ سونے کی قیمت میں اچانک اضافہ

اسلام آباد (مانیٹر نگ ڈیسک /این این آئی )ملک میں سونے کی مسلسل گرتی قیمت میں اچانک اضافہ ہو گیا تفصیلات کے مطابق سندھ صرافہ بازار جیولرز ایسوسی ایشن کے مطابق ملک میں فی تولہ سونے کی قیمت 350 روپے اضافے کے بعد ایک لاکھ 9 ہزار 200 روپے ہوگئی۔10 گرام سونے کی قیمت بھی 300 روپے اضافے کے بعد93 ہزار 621 روپے ہوگئی

جبکہ عالمی صرافہ بازار میں سونےکی قدر 29 ڈالر اضافے سے 1801 ڈالر فی اونس پر آگئی۔گزشتہ روز مقامی صرافہ مارکیٹوں میں فی تولہ سونے کی قیمت 1150روپے کی نمایاں کمی سے ایک لاکھ 8ہزار850روپے ہوگئی۔صراف اینڈ جیولرز ایسوسی ایشن کے مطابق عالمی مارکیٹ میں فی اونس سونا15ڈالرکی کمی سے 1772ڈالر ہو گیا جس کے زیر اثر ملکی صرافہ مارکیٹوں میں بھی سونے کی قیمت میں کمی کا رجحان رہااور ایک تولہ سونے کی قیمت1150روپے کی کمی سے 1لاکھ 8ہزار850روپے ہو گئی اسی طرح986روپے کی کمی سے دس گرام سونے کی قیمت 93ہزار 321روپے کی سطح پر آگئی ۔ دوسری جانب پاکستان اسٹاک مارکیٹ میں نومبر کے آخری کاروباری سیشن کےدوران اتار چڑھائو کا سلسلہ دیکھنے میں آیا لیکن مجموعی طور پر تیزی کا رجحان غالب آگیا اور کے ایس ای100انڈیکس 41ہزارکی نفسیاتی حدکو بحال کرتے ہوئے 261.73پوائنٹس کے اضافے سے41068.82پوائنٹس کی سطح پرپہنچ گیا جب کہ62.5فیصد کمپنیوں کے حصص کی قیمتوں میں اضافہ ریکارڈ کیا گیا جس کے نتیجے میں مارکیٹ کی سرمایہ کاری مالیت 34ارب25کروڑ27لاکھ روپے بڑھ گئی تاہم حصص کی لین دین کے لحاظ سے کاروباری حجم گزشتہ ٹریڈنگ سیشن کی نسبت 2.32فیصد کم رہا۔

Sharing is caring!

Categories

Comments are closed.