وزیراعظم عمران خان کی جانب سے حتمی منظوری باقی، گلگت بلتستان کے وزیراعلیٰ کیلئے 2 نام سامنے آ گئے

گلگت(آن لائن) پاکستان تحریک انصاف سے تعلق رکھنے والے امجد زیدی گلگت بلتستان اسمبلی کے اسپیکر اور نذیر احمد ڈپٹی اسپیکر منتخب ہوگئے۔گللگت بلتستان اسمبلی کے 33 اراکین اسمبلی نے ووٹ ڈالے۔ امجد زیدی نے 18 ووٹ حاصل کیے جبکہ ا اپوزیشن جماعتوں کے متفقہ امیدوار اور پاکستان مسلم لیگ نواز سے تعلق رکھنے والے غلام محمد کو 8 ووٹ ملے۔ دوسری جانب تحریک

انصاف نے گلگت بلتستان کے لئے وزیراعلیٰ کے دو نام شارٹ لسٹ کر لئے ہیں یہ دو شخصیات بیرسٹر خالد خورشید اور فتح اللہ خان ہیں، نامزدگی کی حتمی منظوری وزیراعظم عمران خان دیں گے۔ واضح رہے کہ اسپیکر کے انتخاب کے لیے ڈالے گئے ووٹوں میں سے 6 ووٹ مسترد ہو گئے۔سابق اسپیکر فدا محمد ناشاد نے نو منتخب اسپیکر گلگت بلتستان اسمبلی سے عہدے کا حلف لیا۔دوسری جانب پی ٹی آئی کے نذیر احمد 22 ووٹ لیکر گلگت بلتستان اسمبلی کے ڈپٹی اسپیکر منتخب ہوگئے۔ ڈپٹی اسپیکر کے لیے متحدہ اپوزیشن کے امیدوار رحمت خالق نے 9 حاصل کیے۔خیال رہے کہ گزشتہ روز گلگت بلتستان اسمبلی کے نو منتخب اراکین نے اپنے عہدے کا حلف اٹھا لیا تھا۔اسپیکر گلگت بلتستان اسمبلی حاجی فدا محمد ناشاد نے نو منتخب اراکین سے حلف لیا تھا۔ حلف برداری اسمبلی حال گلگت میں منعقد ہوئی تھی۔ گلگت بلتستان اسمبلی کے تمام 33 اراکین نے عہدے کا حلف اٹھالیا تھا۔گلگت بلتستان اسمبلی میں پاکستان تحریک انصاف 16 جنرل اور 4 مخصوص نشستوں کے ساتھ سرفہرست ہے۔ پاکستان پیپلز پارٹی نے دو مخصوص نشستوں سمیت 5 نشستیں حاصل کی ہیں۔ پیپلز پارٹی گلگت بلتستان کے صدر امجد حسین دو نشستوں پر کامیاب ہوئے ہیں۔اسی طرح پاکستان مسلم لیگ نواز نے خواتین کی ایک مخصوص نشست سمیت 3 نشستیں حاصل کی ہیں۔ انتخابات میں پی ٹی آئی کی اتحادی جماعت مجلس وحدت المسلمین نے ایک جنرل اور تحریک انصاف کے کوٹے سے ایک ٹیکنو کریٹ اور ایک خاتون نشست حاصل کی ہے۔گلگت بلتستان اسمبلی میں قوم پرست تنظیم بالاورستان نیشنل فرنٹ کی ایک سیٹ ہے۔

Sharing is caring!

Categories

Comments are closed.