تمام سرکاری اور پرائیویٹ یونیورسٹیاں، کالجز بند اعلیٰ تعلیمی اداری کب دوبارہ کھلیں گے؟ نوٹیفکیشن جاری

لاہور(مانیٹرنگ ڈیسک، این این آئی ) محکمہ ہائیر ایجوکیشن کی ایڈیشنل چیف سیکرٹری ارم بخاری کی ہدایت پر صوبہ پنجاب کے اعلیٰ تعلیمی اداروں کو بند کرنے کے احکامات جاری کر دئیے گئے ، سرکاری اور پرائیویٹ یونیورسٹیوں کی کل سے بندش ہوگی، محکمہ ہائیر ایجوکیشن

نے یونیورسٹیوں اور کالجوں کی 24 دسمبر تک بندش کا نوٹیفکیشن جاری کیا ہے، پرائیویٹ یونیورسٹیوں کو بھی مکمل طور پر بند رکھا جائے گا، کالجوں میں آن لائن ٹیچنگ کیلئے الگ سے شیڈول جاری کیا جائے گا، کل 26 نومبر سے کالجوں میں آن لائن ٹیچنگ کا آغاز ہوگا۔نوٹیفکیشن کا اطلاق پرائیویٹ کالجوں پر بھی ہوگا۔ایڈیشنل چیف سیکرٹری محکمہ ہائر ایجوکیشن ارم بخاری کے مطابق یونیورسٹیوں اور کالجوں میں موسم سرما کی تعطیلات کا نوٹیفکیشن بعد میں جاری کیا جائے گا۔دوسری جانب صوبائی وزیر سکولز ایجوکیشن ڈاکٹر مراد راس نے کہا ہے کہ تمام سرکاری ،نجی سکولز ،اکیڈمیز ، ٹیوشن سنٹر اور مدارس کل سے بند ہوں گے ، بندش کے دوران تعلیمی ادارے کھولنے کے حوالے سے کسی ادارے کو کسی بھی قسم کی چھوٹ نہیں دی جائے گی۔ٹوئٹر پر اپنے بیان میںانہوںنے کہاکہ حکومتی احکامات کیخلاف ورزی پر سخت کارروائی کی جائے گی۔تعلیمی ادارے کھولنے کے حوالے سے کسی قسم کی چھوٹ نہیں دی جائے گی۔چھٹیوں کے نوٹیفکیشن کا اطلاق آج جمعرات سے ہوگا،تعلیمی ادارے26نومبر سے 10 جنوری بند رہیںگے ۔

Sharing is caring!

Categories

Comments are closed.