محکمہ سکولز نے کرونا کی چھٹیوں کے بعد موسم سرما کی تعطیلات سے متعلق بھی بڑا اعلان کر دیا

لاہور( این این آئی)محکمہ سکولزایجوکیشن نے کورونا کے باعث چھٹیوں کا باقاعدہ نوٹیفکیشن جاری کردیا،ووکیشنل اداروں کے علاوہ تمام تعلیمی ادارے، ٹیوشن سنٹرز،اکیڈمیز اورمدارس 26دسمبر تک مکمل بند رہیں گے۔چھٹیوں کے نوٹیفکیشن کا اطلاق جمعرات سے ہوگا۔

موسم سرما کی چھٹیوں کیلئے الگ سے نوٹیفکیشن جاری کیا جائے گا۔موسم سرما کی تعطیلات 25 جنوری تک دی جائیں گی۔ چھٹیوں میں آن لائن کلاسز کے حوالے سے باقاعدہ ہدایات محکمہ کی جانب سے اساتذہ کو الگ سے جاری کی جائیں گی۔دوسری جانب محکمہ خصوصی تعلیم نے بھی 24 دسمبر تک چھٹیوں کا نوٹیفکیشنجاری کردیا۔نوٹیفکیشن ڈائریکٹر جنرل سپیشل ایجوکیشن پرویز اقبال بٹ نے جاری کیا۔خصوصی تعلیمی اداروں میں نان ٹیچنگ سٹاف چوکیدار، سکیورٹی گارڈ ڈیوٹی پر حاضر رہیں گے۔ٹیچنگ سٹاف ہفتے میں دو روز آئے گا،پچاس فیصد پیر کے روز اور پچاس فیصد جمعرات کے روز آئیں گے ۔ٹریننگ کالجز میں اساتذہ کی آن لائن تربیت کا سلسلہ بھی جاری رہے گا۔

Sharing is caring!

Categories

Comments are closed.