حالات خطرناک صورتحال میں داخل سکولوں میں چھٹیوں سے متعلق بڑا قدم اٹھا لیا گیا

اسلام آباد،بہاولنگر(مانیٹرنگ ڈیسک ،این این آئی )پنجاب کے وزیر تعلیم مراد راس نے کہاہے کہ حالات خطرناک صورتحال میں داخل ہو رہے ہیں ،اگراب بھی حالات کنٹرول نہیں ہوئے تو مسائل بڑھ سکتے ہیں ، کل 36 اضلاع کے لوگوں کو بلایاہے اس میں چھٹیوں کافیصلہ کریں گے۔

انہوں نے کہاکہ پرائیویٹ سکول مرضی سے سکول نہیں کھول سکیں گے،کورونا پر حکومتی رٹ کوکوئی چیلنج نہیں کرسکتا،کورونا ایس او پیز پر سب پرائیویٹ سکولوں کو عمل درآمد کروانا ہوگا،کورونا قانون سب کیلئے برابرہوگا۔دریں اثنا تعلیمی اداروں میں کرونا وائرس کی وجہ سے تعطیلات کی خبریں نشر ہونے پر تعلیمی اداروں کے سربراہوں نے بچوں سے ایڈوانس فیسیں منگوانے کا عمل تیز کردیا ہے سکول مالکان کا کہنا ہے کہ ابھی کرونا وائرس کی وجہ سے پچھلی فیسیں وصول نہیں ہوئیں جبکہ نئی تعطیلات کی نوید سنا دی گئی ہے جس کی وجہ سے والدین نے بچوں کی فیسیں روک لی ہیں اس اقدام سے پرائیویٹ تعلیمی ادارے بری طرح مالی طور پر متاثر ہونگے جبکہ والدین کا کہنا ہے کہ جب پڑھائی نہیں ہورہی تو فیسیں کس چیز کی دیں فیسوں کے معاملے پر والدین اور سکول انتظامیہ کے درمیان توں تکرار کا سلسلہ جاری ہے کرونا وائرس کی وجہ سے معاشی حالات سے تنگ کئی بچے تعلیم جاری رکھنے سے محروم ہوچکے ہیں جبکہ اب

تعطیلات کی وجہ سے مزید بچے چھوڑ جائینگے۔علاوہ ازیں حکومت کی جانب سے کرونا وائرس کی بڑھتی ہوئی وباء کے پیش نظر تعلیمی اداروں میں موسم سرما کی تعطیلات قبل از وقت اور طویل ہونے کی خبریں سنتے ہی بچوں کے چہروں پر خوشی کی لہردوڑ گئی، سکولوں

میں بچے ایک دوسرے کو چھٹیوں کے حوالے سے مبارکباد دیتے نظر آئے ،بچوں کا ٹیچر سے آتے ہی یہ سوال تھا کہ چھٹیاں کب سے ہورہی ہیں جبکہ سوشل میڈیا پر بھی موسم سرما کی طویل تعطیلات موضوع بحث بنی رہی ،کچھ لوگوں کا کہنا تھاکہ ایس او پیز پرعملدرآمد کو یقینی بناتے ہوئے پڑھائی کا سلسلہ جاری رکھا جائے جبکہ کچھ لوگوں کا کہنا تھا کہ بچے ایس او پیز پرعملدرآمد نہیں کرسکتے اس سے کرونا پھیلنے کا اندیشہ ہے جس کی وجہ سے چھٹیاں ضرور ہیں۔

Sharing is caring!

Categories

Leave a Reply

Your email address will not be published. Required fields are marked *