ترکی کے معروف کاروباری گروپ کا پاکستان میںبھاری سرمایہ کاری کا اعلان ،کن شعبوں میں پیسہ لگایا جائیگا؟تفصیلات آگئیں

اسلام آباد (این این آئی)ترکی کا گروپ پاکستان کے رئیل اسٹیٹ اور تعمیراتی شعبوں میں سرمایہ کاری کریگاان شعبوں میں تعاون کے سلسلے میں اسلام آباد میں تقریب ہوئی جس کا اہتمام عمارت گروپ آف کمپنیز کے چیئرمین شفیق اکبر نے اسلام آباد میں کیا ۔

تقریب میں ترکی کے معروف کاروباری گروپ کے عہدیدار ،اسپین کے مندوبین اور دیگر اہم شخصیات نے شرکت کی۔ شفیق اکبر نے تقریب سے خطاب میں کہا کہ پاکستان کے رئیل اسٹیٹ سیکٹر اور متعلقہ شعبوں میں بہت صلاحیت ہے۔ ترک کمپنی کے عہدیدار مصطفی ساک نے کہاکہ ترکی کی کمپنیوں کی پاکستانی کمپنیوں کے ساتھ شراکت مزید معاون ہوگی، پاک ترک دوستانہ تعلقات اور مضبوط ہوں گے۔انہوں نے بتایا کہ پاکستان اور ترکی ترجیحاتی معاہدے پر بات کر رہے ہیں جس سے ٹرانسپورٹ، ٹیلی کمیونیکیشن، مینو فیکچرنگ، سیاحت اور دیگر صنعتوں میں دو طرفہ تجارت بڑھے گی۔تقریب سے وفاقی وزیر حماد اظہر، شہریار آفریدی، معاون خصوصی عثمان ڈارنے بھی خطاب کیا جب کہ ترکی کے سفیر، معاون خصوصی ذو الفقار بخاری اور متعدد شخصیات نے تقریب میں شرکت کی۔

Sharing is caring!

Categories

Leave a Reply

Your email address will not be published. Required fields are marked *