اپوزیشن نے پہلے راؤنڈ میں وزیراعظم اور ریاستی اداروں کو شکست دیدی، معروف صحافی کامران خان کا حیران کن تجزیہ

اسلام آباد (مانیٹرنگ ڈیسک) وزیراعظم عمران خان اور ریاستی ادارے مانیں یا نہ مانیں، اپوزیشن اور ریاست کے درمیان جاری مقابلے کے پہلے راؤنڈ میں انہیں شکست ہوئی ہے۔یہ بات معروف صحافی کامران خان نے اپنے ایک ویڈیو پیغام میں کہی، معروف صحافی نے کہا کہ

حکومت اور اپوزیشن کے درمیان کشمکش جاری ہے جس میں ایک جانب نواز شریف، آصف علی زرداری اور دیگر اپوزیشن جماعتیں ہیں تو دوسری جانب عمران خان اور عسکری قیادت ہے،معروف صحافی نے کہا کہ میں سمجھتا ہوں گزشتہ روز اس مقابلے کا پہلا راؤنڈ ختم ہوا اور پہلے راؤنڈ میں نواز زرداری اتحاد کو بے مثال سیاسی مہارت کی بدولت کامیابی حاصل ہوئی ہے۔انہوں نے کہا کہ کیپٹن (ر) صفدر کو سندھ پولیس سے معصوم اور ان کے خلاف ایف آئی آر کو فراڈ قرار دلا دیا، انہوں نے کہا کہ اس کے چند گھنٹوں بعد ہی افواج پاکستان کی طرف سے غیر معمولی اعترافی بیان جاری ہوا جس انکشاف کیا گیا کہ فوج کی جانب سے کی گئی تحقیقات میں ثابت ہوا ہے کہ سندھ رینجرز اور آئی ایس آئی کے افسران انتہائی غیر مناسب رویے کے مرتکب ہوئے ہیں۔معروف صحافی نے کہا کہ اس پیش رفت کے بعد پی ڈی ایم کے کیمپ میں شادیانے بجنے لگے، انہوں نے کہا کہ اس فتح کے پیچھے پیپلزپارٹی کی کمال حکمت عملی تھی اور اس پرعمل کرانے والی جماعت ن لیگ تھی۔

Sharing is caring!

Categories

Leave a Reply

Your email address will not be published. Required fields are marked *