گلگت بلتستان الیکشن کے دوران ن لیگ کو بڑا سیاسی جھٹکا، عین وقت پر اہم لیگی رہنما نے وفاداری بدل لی

گلگت (آن لائن) مسلم لیگ (ن) کے سابق صوبائی وزیر گلگت بلتستان میجر (ر) امین ساتھیوں سمیت پاکستان تحریک انصاف میں شامل ہو گئے ہیں۔ تفصیلات کے مطابق پاکستان تحریک انصاف کے چیف آرگنائزر سیف اللہ خان نیازی سے

مسلم لیگ ن کے سابق صوبائی وزیر گلگت میجر (ر) امین نے ملاقات کی جس میں انہوں نے وزیراعظم عمران خان کے وژن پر اطمینان کا اظہار کر تے ہوئے ساتھیو ں سمیت پی ٹی آئی میں شمولیت اختیار کر لی انہو ں نے کہاکہ کافی سوچ بچار کے بعد تحریک انصاف میں شمولیت کا فیصلہ کیا شریف خاندان کا بیانیہ کو ئی بھی محب وطن پاکستانی قبول نہیں کر سکتا۔ انہوں نے کہاکہ گلگت کے عوام کے دل پاکستان کے ساتھ دھڑکتے ہیں کرپشن کا ریکارڈ توڑنے اور گلگت کو محرومیوں کی نظر کرنے والوں کا ساتھ نہیں دے سکتا انہوں نے اپنے حلقے میں تحریک انصاف کی امیدوار آمنہ انصاری کی بھر پور حمایت کا بھی اعلان کیا۔ اس موقع پر پاکستان تحریک انصاف کے چیف آرگنائزر سیف اللہ نیازی نے میجر (ر) امین کی شمولیت کا خیر مقد م کرتے ہو ئے کہاکہ کامیایبو ں کا یہ سلسلہ ہر حلقے اور شہر تک وسیع کریں گے 15نومبر گلگت کے حوالے سے تاریخ ساز دن ہو گا۔

Sharing is caring!

Categories

Leave a Reply

Your email address will not be published. Required fields are marked *