جہانگیر ترین کس ڈیل کے تحت واپس آئے ہیں ؟ حیران کن انکشاف

اسلام آباد (مانیٹرنگ ڈیسک /این این آئی)ن لیگ کے سینئر رہنما و رکن قومی اسمبلی رانا ثنااللہ نے کہا ہے کہ جہانگیر ترین ڈیل اور پراجیکٹ کے تحت پاکستان واپس آئے۔میڈیا سے گفتگو کے دوران ن لیگ کے رہنما کا کہنا تھا کہ جہانگیر ترین ایم این ایز اور ایم پی ایز کے جوڑ توڑ کا مقصد لیے پاکستان واپس آئے ہیں ،

لیکن اب نواز شریف کی جدوجہد جوڑ توڑ کے معاملے سے آگے نکل چکی ہے ۔ دوسری جانب مسلم لیگ (ن) کی مرکزی ترجمان مریم اورنگزیب نے کہا ہے کہ شہباز شریف کو عمران خان نے خوفزدہ ہو کر گرفتار کیا ہوا ہے،شہباز شریف کے خلاف ایک دھیلے کی کرپشن نہیں ملی تو جان بوجھ کے عمران خان کے حکم پر ان کی صحت خراب کی جا رہی ہے،شہباز شریف کو گرفتار کر کے عوام کو آٹا اور روٹی نہیں ملتی۔ اپنے بیان میں انہوں نے کہا کہ سلیکٹڈعمران صاحب شہباز شریف شریف کو بند کر کے آپ کی تباہ کی ہوئی معیشت ٹھیک اور عوام کو روزگار نہیں ملا،گیس بجلی سستی نہیں ہو گئی،ادوئیات سستی نہیں ہوئیں۔عمران صاحب شہباز شریف کو گرفتار کر کے عوام فارن فنڈنگ اکاؤنٹس نہیں بھولے،شہباز شریف کو جیل میں ڈاکٹر کی رسائی نہ دے کر عوام آٹا چینی چور جہانگیر ترین اور علیمہ باجی کو دیا این آر او نہیں بھولے،شہباز شریف کو بکتر بند گاڑی میں عدالت لا کر عوام کو ووٹ، آٹا، چینی، گیس بجلی چوری نہیں بھولے گا۔ انہوں نے کہا کہ عمران صاحب شہباز شریف کو گرفتار کر لیں عوام پھر بھی بی آر ٹی پشاور میٹرو کے 126 ارب کے کھڈے نہیں بھولیں گے،ہیلی کاپٹر، مالم جبا، بلین ٹری سنامی میں آپ کا ڈاکہ نہیں بھولیں گے،شہباز شریف اور حمزہ شہباز کو جیل میں قانون کے خلاف اذیت دے لیں عوام آپ کی نالائقی، نااہلی اور چوری نہیں بھولیں گے،عمران صاحب احمقوں کی جنت میں رہتے ہیں، عوام سب جانتی ہے۔‎

Sharing is caring!

Categories

Leave a Reply

Your email address will not be published. Required fields are marked *