کورونا وائرس کی دوسری لہر نے شدت پکڑ لی اسلام آباد کے 5 سب سیکٹرزمیں اسمارٹ لاک ڈاؤن نافذ

اسلام آباد (این این آئی)اسلام آباد میں کورونا کی دوسری لہر شدت اختیار کرنے لگی،وفاقی دارالحکومت کے 5 سیکٹرز میں کورونا کیسز زیادہ رپورٹ، سمارٹ لاک ڈاون کا فیصلہ کیا گیا ۔ اتوار کو ڈسٹرکٹ ہیلتھ آفیسر اسلام آباد نے

ڈی سی اسلام آباد کو مراسلہ جاری کر دیا سیکٹرز میں I-8/3 I-8/4 G-9/1 G-10/4 G-6/2شامل ہیں۔ مراسلہ میں کہاگیاکہ ضلعی محکمہ صحت کی ٹیمیں مختلف سیکٹرز میں کورونا ٹیسٹ کر رہی ہیں۔ ‎دوسری جانب ملک بھر میں کورونا وائرس کے فعال کیسز کی تعداد بڑھ کر 17 ہزار 804 ہوگئی ، گزشتہ 24 گھنٹوں میں 25 افراد کورونا کے باعث جان سے ہاتھ دھوبیٹھے۔نیشنل کمانڈ اینڈ آپریشن سینٹرکے تازہ اعداد وشمارکے مطابق گزشتہ 24 گھنٹوں میں کورونا کے ایک ہزار 436 نئے کیسز رپورٹ ہوئے جس کے بعد ملک بھرمیں مجموعی کیسز کی تعداد 3 لاکھ 43 ہزار 189 ہوگئی۔این سی او سی کے مطابق فعال کیسز کی تعداد بڑھ کر 17 ہزار 804 ہوگئی ، اب تک کورونا وائرس میں مبتلا 3 لاکھ 18 ہزار 417 مریض صحت یاب ہوچکے ہیں۔ گزشتہ 24 گھنٹوں میں مزید 25 اموات رپورٹ ہوئیں جس کے بعد مجموعی اموات کی تعداد 6 ہزار 968 ہوگئی۔سندھ میں مریضوں کی تعداد ایک لاکھ 49 ہزار 542 ، پنجاب میں ایک لاکھ 6 ہزار 577، خیبرپختونخوا 40 ہزار 379 ، اسلام آباد میں 21 ہزار 557، بلوچستان میں 16 ہزار 055 ، آزاد کشمیر 4 ہزار 703 اورگلگت بلتستان میں 4 ہزار 358 تعداد ہوگئی۔

Sharing is caring!

Categories

Leave a Reply

Your email address will not be published. Required fields are marked *