تحریری نہیں زبانی استعفیٰ دیا عبدالقادر بلوچ نے ن لیگ میں واپسی سے متعلق اہم بیان دیدیا، ثناء اللہ زہری بارے بھی بول پڑے

کوئٹہ (این این آئی)پاکستان مسلم لیگ (ن) کے صوبائی صدر لیفٹیننٹ جنرل (ر) عبدالقادر بلوچ نے کہا ہے کہ ن لیگ میں واپسی کا کوئی امکان نہیں، کل مستقبل کے لائحہ عمل پر غور ہوگا ۔میڈیا سے گفتگو میں انہوں نے کہا کہ 7 نومبر کو ایم پی اے ہاسٹل کوئٹہ میں پارٹی عہدیداروں،

ہم خیال ساتھیوں، کارکنوں کا اجلاس طلب کرلیا ہے جس میں مستقبل کے لائحہ عمل پر غور و غوض کیا جائے گا۔انہوں نے کہا کہ میں پارٹی سے تحریری طور پر نہیں بلکہ زبانی استعفیٰ دیا ہے لیکن اب مسلم لیگ ن میں واپسی کا امکان نہیں ہے۔عبدالقادر بلوچ نے کہا کہ نہ مجھے واپس جانے کی خواہش ہے اور نہ انہیں میری ضرورت ہے۔ایک سوال کے جواب میں جنرل (ر) عبدالقادر بلوچ نے کہا کہ نواب ثناء اللہ زہری مسلم لیگ ن چھوڑنے یا نہ چھوڑنے کے بارے میں خود بہتر بتا سکتے ہیں، نواب ثناء اللہ زہری پاکستان مسلم لیگ (ن )کے ٹکٹ پر رکن بلوچستان اسمبلی ہیں، ان کیلئے پارٹی چھوڑنا اتنا اسان نہیں ہے۔دوسری جانب پاکستان مسلم لیگ (ن)بلوچستان کے جنرل سیکرٹری جمال شاہ کاکٹر نے 7 نومبر کو پارٹی کے اجلا س کو غیر ائینی قرار دے دیا ہے۔

Sharing is caring!

Categories

Leave a Reply

Your email address will not be published. Required fields are marked *