امریکی صدارتی الیکشن ڈونلڈ ٹرمپ اور جوبائیڈن کے درمیان کتنے الیکٹورل ووٹوں کا فرق باقی رہ گیا؟دل کی دھڑکنیں تیز ہوگئیں

اسلام آباد(مانیٹرنگ ڈیسک)پولنگ کا عمل مکمل ہونے کے بعد ووٹوں کی گنتی کا عمل جاری ہے اور اب تک 50میں سے 31امریکی ریاستوں کے متوقع نتائج جاری کر دئیے گئے ہیں ،فوکس نیوز کے مطابق جوبائیڈن نے اس وقت تک 238الیکٹورل ووٹ حاصل کر لئے ہیں

جبکہ ڈونلڈ ٹرمپ 213ووٹ حاصل کر پائے ہیں ،یاد رہے کہ امریکی صدر بننے کیلئے 270ووٹوں کی ضرورت ہے ،دریں اثناسماجی رابطے کی معروف ویب سائٹ ٹویٹر نے اعلان کیا ہے کہ امریکی صدارتی انتخابات 2020 کے نتائج کے حوالے سے جیتنے والے امیدوار کا نام سرکاری طور پر اعلان کرنے کے سلسلے میں صرف سات میڈیا پلیٹ فارمز پر اعتماد کیا جا سکتا ہے۔اس فہرست میں چھ ٹی وی چینلزاورایک نیوزایجنسی شامل ہے ،ٹویٹر نے اس سے پہلے کہا تھا کہ وہ اس بات کا مطالبہ کرے گا کہ یا تو ریاست میں انتخابی ذمے داران یا پھر ذرائع ابلاغ کے جن سرکاری قومی اداروں کو نتائج کے اعلان کی اجازت دی گئی ہے، وہ ٹویٹس پر نتائج جاری ہونے سے قبل جیتنے والے امیدوار کا اعلان کریں۔اگر ٹویٹر پر کسی رپورٹر یا صارف نے منتخب ذرائع میں سے کسی کا حوالہ دیے بغیر نتائج کے حوالے سے ٹویٹ کی تو اس ٹویٹ کو بلاک کر دیا جائے گا۔

Sharing is caring!

Categories

Comments are closed.