جس کے پاس موٹرسائیکل تھی وہ آج دبئی میں ٹاورزکامالک ہے 1980ء میں جس کے پاس ایک ٹکا نہیں تھا وہ آج۔۔۔ چیئرمین نیب کا حیران کن انکشاف

اسلام آباد(آن لائن)چیئرمین نیب جسٹس (ر)جاوید اقبال نے کہاہے کہ 1980 میں جس کے پاس ایک ٹکا نہیں تھا آج دبئی میں ان کے ٹاورز ہیں،نیب نے ان پر ہاتھ ڈالا اورپوچھ رہا ہے غیرقانونی کام کیوں کیے؟۔ چیئرمین نیب جسٹس(ر)جاویداقبال سے صدرگوادرچیمبرآف کامرس نے

ملاقات کی،اس موقع گفتگو کرتے ہوئے انہوں نے کہاکہ نیب بزنس کمیونٹی کا بہت احترام کرتی ہے،بزنس کمیونٹی کا معاشی ترقی میں اہم کردارہے،انکم اورسیلزٹیکس کے معاملات ایف بی آرکومنتقل کر دیئے۔ انہوں نے کہاکہ ملک 100 ارب روپے کا مقروض ہے، یہ پیسہ کہاں خرچ ہوا؟،ہسپتالوں میں بیڈز نہیں،طلبا کوداخلے نہیں مل رہے، چیئرمین نیب نے کہاکہ 1980 میں جس کے پاس ایک ٹکا نہیں تھا آج بڑی بڑی عمارتوں کے مالک ہیں،نیب نے ان پر ہاتھ ڈالا اورپوچھ رہا ہے غیرقانونی کام کیوں کیے؟،ان کے پاس اتنا پیسہ کہاں سے آیا،اس کی تحقیقات کر رہے ہیں۔جسٹس (ر)جاوید اقبال نے کہاکہ جس کے پاس موٹرسائیکل تھی وہ آج دبئی میں ٹاورزکامالک ہے،جو لوگ حکومت میں رہے یا ہیں ان کو کوئی نہیں پوچھتا تھا۔‎

Sharing is caring!

Categories

Leave a Reply

Your email address will not be published. Required fields are marked *