کرونا وائرس نے درسگاہوں میں پنجے گاڑھ لئے مختلف تعلیمی ادارے سیل ،طلبا وطالبات کو گھر بھیج دیاگیا

اسلام آباد(مانیٹرنگ ڈیسک)پنجاب کے شہر ننکانہ صاحب میں 6 طالبات کورونا وائرس کا شکار ہو گئیں۔نجی ٹی وی کے مطابق ننکانہ صاحب میں گورنمنٹ گورونانک کالج کی 6 طالبات کورونا کا شکار ہوئی ہیں۔کورونا کیسز کی تصدیق کے بعد کالج کو 7 روز کے لیے بند کر دیا گیا۔

ڈپٹی ڈائریکٹر کالجز، کالج کی 100 طالبات کے سیمپلز لیے گئے ۔علی حیدر ڈوگر، گرلز ایم سی ہائی سکول کی 5 طالبات بھی کورونا کا شکار ہوئی جس کے بعد سکول کو 5 روز کے لیے سیل کر دیا گیا۔اس کے علاوہ ایک اور ڈاکٹر بھی کورونا کے باعث زندگی کی بازی ہار گئے۔ڈاکٹر صادق حسین کورونا وائرس کے باعث راولپنڈی میں واقع سی ایم ایچ ہسپتال میں انتقال کرگئے ، جہاں عالمی وبا کا شکار ہونے والے ڈاکٹر کئی دنوں سے زیر علاج تھے ، جن کی عمر55 سال بتائی گئی ہے۔بتایا گیا ہے کہ ڈاکٹر صادق حسین پاکستان اسلامک میڈیکل ایسوسی ایشن آزاد کشمیر کے سابق صدر تھے، دریں اثناملک بھر میں کرونا وائرس سے مزید 14 افراد جاں بحق، جس کے بعد اموات کی تعداد 6 ہزار 849 ہوگئی۔ پاکستان میں کورونا کے تصدیق شدہ کیسز کی تعداد 3 لاکھ 36 ہزار 260 ہوگئی۔نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 167 نئے کیسز رپورٹ ہوئے جو گزشتہ چندہ ماہ

کے دوران ایک دن کے ریکارڈ کیسز ہیں ، پنجاب میں ایک لاکھ 4 ہزار 894، سندھ میں ایک لاکھ 46 ہزار 774، خیبر پختونخوا میں 39 ہزار 749، بلوچستان میں 15 ہزار 977، گلگت بلتستان میں 4ہزار 293، اسلام آباد میں 20 ہزار 243 جبکہ آزاد کشمیر میں 4 ہزار 330 کیسز رپورٹ ہوئے۔

Sharing is caring!

Categories

Leave a Reply

Your email address will not be published. Required fields are marked *