تعلیمی اداروں میں کورونا وائرس کے بڑھتے کیسز حکومت نے بڑافیصلہ کرلیا‎‎

لاہور، اسلام آباد ( این این آئی،مانیٹرنگ ڈیسک) وفاقی حکومت نے اہم فیصلوں کے لئے بین الصوبائی وزرائے تعلیم کااجلاس پرسوں طلب کرلیا ۔ اجلاس کی صدارت وفاقی وزیر تعلیم شفقت محمود کریں گے جبکہ صوبائی وزرائے اور اعلیٰ حکام بذریعہ ویڈیو لنک اجلاس میں شریک ہوںگے۔

بتایا گیا ہے کہ اجلاس میں کورونا وائرس کی صورتحال ، موسم سرما کی چھٹیاں اور آٹھویں بورڈ کا امتحان لینے یا نہ لینے جبکہ تعلیمی سال کو یکم اپریل کی بجائے یکم اگست تک بڑھانے کے فیصلوں پر غور اور بعد ازاںحتمی اعلان کیاجائے گا۔دریں اثناوزیر اعظم کے معاون خصوصی برائے صحت ڈاکٹر فیصل سلطان نے کہا ہے کہ کورونا کو لے کر ابھی ہم اْس مرحلے پر ہیں جہاں بروقت فیصلے نہ کیے گئے تو صورت حال خطرناک حد تک پہنچ سکتی ہے۔اپنے بیان میں پاکستان میں کورونا وائرس کے کیسز کی بڑھتی ہوئی شرح کے حوالے سے معاون خصوصی برائے صحت ڈاکٹر فیصل سلطان نے کہا کہ ایس او پیز پر عمل درآمد میں زیادہ سختی کی ضرورت ہے۔دوسری جانب نجی ٹی وی کے مطابق ننکانہ صاحب میں گورنمنٹ گورونانک کالج کی 6 طالبات کورونا کا شکار ہوگئی ہیں۔کورونا کیسز کی تصدیق کے بعد کالج کو 7 روز کے لیے بند کر دیا گیا۔ ڈپٹی ڈائریکٹر کالجز، کالج کی 100 طالبات کے سیمپلز لیے گئے ۔علی حیدر ڈوگر، گرلز ایم سی ہائی سکول کی 5 طالبات بھی کورونا کا شکار ہوئی جس کے بعد سکول کو 5 روز کے لیے سیل کر دیا گیا۔

Sharing is caring!

Categories

Leave a Reply

Your email address will not be published. Required fields are marked *