وزیراطلاعات پنجاب فیاض الحسن کوعہدےسے ہٹادیاگیا

اسلام آباد(مانیٹرنگ ڈیسک )پنجاب کابینہ میں بڑے پیمانے پر ردو بدل ، فیاض الحسن چوہان کو ان کے عہدے سے ہٹا دیا گیا ہے ۔نجی ٹی وی جیوکی رپورٹ کے مطابق صوبائی وزیر فیاض الحسن چوہان سے وزارت اطلاعات کا محکمہ واپس لے لیا گیا ہے ۔ جاری نوٹیفکیشن کے مطابق وہ اب صرف محکمہ کالونیز کے صوبائی وزیر کی حیثیت سے کام کریں گے ۔

یاد رہے کہ مارچ 2019 میں ایک تقریب سے خطاب کے دوران فیاض الحسن چوہان نے بھارتی وزیراعظم نریندر مودی کو شدید تنقید کا نشانہ بنایا تھا اور اس دوران انہوں نے ہندو برادری کے خلاف بھی توہین آمیز جملہ کہا تھا اور انہیں عہدے سے ہاتھ دھونے پڑے تھے تاہم 2 دسمبر 2019 کو انہیں دوبارہ وزیر اطلاعات پنجاب مقرر کردیا گیا تھا۔

Sharing is caring!

Categories

Leave a Reply

Your email address will not be published. Required fields are marked *