عبد القادر نے ایسے موقعے پر ن لیگ کو کیوں چھوڑ نے کا اعلان کیا ؟ن لیگی سینئر رہنما پرویز رشیدکا حیرت انگیز دعویٰ

اسلام آباد (مانیٹرنگ ڈیسک )ن لیگ کے مرکزی رہنما عبد القادر بلوچ کی طرف سے پارٹی بیانیے کی مخالفت اور پارٹی چھوڑنے کے اعلان کے بعد پرویز رشید کے ردعمل نے سب کو حیران کر دیا ۔ تفصیلات کے مطابق سینئر لیگی رہنما پرویز رشید نے عبد القادر کے پارٹی چھوڑنےاعلان کےبعد

سماجی رابطے کی ویب سائٹ ٹویٹر پر پیغام جاری کیا ، ان کا کہنا تھاکہ لیفٹیننٹ جنرل (ر) “عبد القادر بلوچ نے پارٹی بیانیےکے اختلاف کی وجہ سےن لیگ چھوڑنا ہوتی تو وہ پارٹی کے ہونیوالے اجلاسوں میں اتفاق نہ کرتے بلکہ وہ اپنے خیالات کا اظہار کرتے لیکن علیحدگی کے پیچھے وجہ جمہوری نہیں بلکہ قبائیلی ہے کیونکہ مرے سردار کو شرکت اور کرسی نہیں ملی ۔ قبل ازیں  (ن) لیگ بلوچستان کے صدر اور سابق وفاقی وزیر لیفٹیننٹ جنرل (ر) عبدالقادر بلوچ نے پارٹی سے مستعفی ہونے کا فیصلہ کرلیا ہے۔ نجی ٹی وی سے گفتگو کرتے ہوئے عبدالقادر بلوچ نے کہا کہ اپوزیشن جماعتوں کے اتحادپاکستان ڈیموکریٹک موومنٹ (پی ڈی ایم) کے پلیٹ فارم سے افواج پاکستان کے خلاف نازیبا زبان استعمال کی گئی۔انہوں نے کہا کہ افواجِ پاکستان کو ادارے کے طور پر نشانہ بنانا قبول نہیں ہے، مسلم لیگ ن سے علیحدگی کی واحد وجہ فوج کے خلاف بیانیہ ہے۔عبدالقادر بلوچ نے کہا کہ میں خود فوجی رہا ہوں، یہ سب ناقابلِ برداشت ہے، مستقبل کی سیاست کا فی الوقت کوئی فیصلہ نہیں کیا، اتنے وسائل نہیں کہ مسلم لیگ کا کوئی اور دھڑا بناؤں۔انہوں نے کہاکہ ہوسکتا ہے کہ کسی جماعت میں شمولیت اختیار کروں یا پھر سیاست سے ہی کنارہ کشی کرلوں۔سابق گورنر بلوچستان نے کہا کہ سابق وزیراعلیٰ ثناء اللّٰہ زہری کو کوئٹہ میں پی ڈی ایم جلسے کے دوران اسٹیج پر نہ بلانے پر بات ہوسکتی تھی۔

Sharing is caring!

Categories

Comments are closed.