معروف گلوکار اور کامیڈین کی حادثے میں دونوں ٹانگیں ٹوٹ گئیں

کراچی(مانیٹرنگ ڈیسک) معروف گلوکار و کامیڈین علی گل پیر کی حادثے میں دونوں ٹانگیں ٹوٹ گئیں۔ معروف گلوکار نے انسٹا گرام پر اپنی تصاویر شیئر کیں، ان تصاویر کے ساتھ انہوں نے لکھا کہ ایک حادثے کے باعث میری ران کی ہڈی

ٹوٹ گئی ہے وہ گزشتہ کئی روز سے ہسپتال میں زیر علاج ہیں، انہوں نے حادثے کی وجہ نہیں بتائی۔ علی گل پیر گیت وڈیرے کا بیٹا سے شہرت کی بلندیوں پر پہنچے اور یہ گیت ان کی پہچان بن گیا، معروف گلوکار نے ایکسرے کی تصویر بھی شیئر کی جس میں ان کے ایک ران کی ہڈی ٹوٹی ہوئی نظر آ رہی ہے، جس پر انہوں نے اپنے روایتی انداز میں اپنے آپ کو آئرن مین قرار دیا۔ ایک اور تصویر میں وہ ہسپتال کے عملے کی مدد سے اپنے پیروں پر کھڑے ہونے کی کوشش کرتے ہوئے نظر آ رہے ہیں۔ معروف کامیڈین علی گل پیر نے انسٹاگرام پر ایک اور سٹور میں لکھا کہ انشاء اللہ ہسپتال سے فارغ ہونے کے بعد گھر جا رہا ہوں، وہاں زیادہ وقت بستر پر گزاروں گا، اس موقع پر انہوں نے اپنے مداحوں سے اپنی مصروفیت بارے سوال بھی پوچھ لیا کہ میں دو ماہ تک خود کو مصروف رکھنے کے لئے کیا کروں۔

Sharing is caring!

Categories

Comments are closed.