10 سال بعد داتا دربار کے تہہ خانے میں کیا چیز کھولی جا رہی ہے؟ زائرین کیلئے خوشخبری

لاہور(این این آئی) کمشنر لاہور و ایڈمنسٹریٹر میٹروپولیٹن کارپوریشن ذوالفقار احمد گھمن نے چیف کارپوریشن آفیسر شوکت علی کے ہمراہ داتا دربار اپ لفٹنگ پراجیکٹ کی آن سائٹ کا دورہ کیا اور10سال بعد داتا دربار کی تہہ خانے کی بند پارکنگ

کھولنے دینے کا اعلان کیا، داتا دربار کی تہہ خانے کی پارکنگ 1992 میں بنائی گئی تھی۔ کمشنر لاہور ڈویژن ذوالفقار گھمن کا کہنا تھا کہ 2010 میں سکیورٹی کے پیش نظر پابندی عائد کر دی گئی، دس سال بعد ایجنسیز کی اجازت مل گئی ہے، تہہ خانے میں دو سو گاڑیاں کھڑی ہو سکتی ہیں، داتا دربار کی پارکنگ کھلنے سے ٹریفک مسائل حل ہوں گے۔انہوں نے بتایا کہ داتا دربار پر کام کا آغاز ہو گیا،باقاعدہ سنگ بنیاد کی تقریب بھی ہو گی، پراجیکٹ پر کام شروع کرنے کیلئے تمام ضروری اقدامات مکمل کئے جا چکے ہیں، داتا دربار کے داخلی و خارجی راستوں پر چیکنگ کا خودکار نظام نصب کیا جائیگا۔کمشنر لاہور نے کہا کہ نئے پراجیکٹ میں زائرین کے سامان کی چیکنگ کیلئے سکینرز بھی لگیں گے، داتا دربار کے سامنے والی سڑک بھی 8 تا 10 فٹ مزید کشادہ ہو گی، داتا دربار اپ لفٹ ڈیزائن پر 4 کروڑ 78لاکھ روپے لاگت آئیگی، داتا دربار میں داخلی راستے پر خصوصی سکیورٹی وال بنے گی۔

Sharing is caring!

Categories

Comments are closed.